Skipan til kundasamskifti og dokumentstýring

CRM – Customer Relationship Management – er vorðið ógviliga vanligt nú á døgum, har tað at skifta vitan sínámillum er eitt lyklaorð. Tí skal vera lætt at goyma og skráseta upplýsingar, so at virki og stovnar skjótt kunnu leita fram upplýsingar um kundar ella viðskiftafólk.

Hetta forritið greiðir øll hesi viðurskifti. Í skipanini er til dømis sera lætt at goyma teldubrøv, skjøl frá eitt nú Word og Excel og innskannað skjøl, um tørvur er á tí.

Notat og telefonsamrøður saman við uppgávum o.ø kunnu eisini skrásetast í felags kalendaranum.

Alt samskifti verður skrásett uppá kundan ella viðskiftafólkið, men samstundis ber eisini til at goyma uppá projekt/journal. Hetta gevur sera góðar møguleikar at leita upplýsingar fram aftur.